同學，我地一齊睇下呢個病句。要贏返香港，大概有以下三個可能性：（一）之前輸左比香港，而家要贏返佢，不過留意番，香港係一片地域，並無任何與人類競賽、或攻擊人類嘅能力；（二）香港被敵方佔據，而家要贏返佢返來，但係如果係呢個情況，句子正寫應為「贏返香港返來」，而家冇左一忽；（三）被人以特別方式送左返中國（例如洗頭艇？），而家要贏，才能返港，若然如此，正寫應為「我地一齊贏！返香港！」，而家標點有缺漏。
由於海報中嘅葉女士在不知所云嘅情況下笑得異常興奮，加上佢之前有自誇為「飛機場」幫晚輩起機、以及號稱皮草為「創意產業」嘅往績，我地有理由相信，葉女士當前急務，係搵番個腦返來。